I militanti di a Manca mandanu u so sustegnu fraternu à tutti i militanti pulitichi o sindicali chì anu ricusatu di dà u so ADN è chì si trovanu oghje chì ghjè oghje davant’à i ghjudici in Bastia di pettu a una riprissione inaccittèvule.
Ci tocca à dinuncià a criminalizazione di u militantisimu messa in anda da u putere UMP prontu à tutte l’inghjustizie da fà calà u capu à e forze pulitiche riprisentative di l’intaresi pupulari.
Mentre chì a corsica pate a privatisazione di e so ricchezze da gruppi urganizati mafiosi stranamente lasciati tranquilli da u putere, a ghjustizia s’accanisce contr’à uni pochi di patriotti decisi à difende l’intaresi di u Populu corsu.
A Manca dumanda a caduta di l’accuse purtate contr’à sti militanti è a so liberazione subbitu subbitu.
