A Manca
à l’esecutivu è à i militanti di u Rinnovu,
A Manca vole pricisà e cundizione di a so participazione à a manifestazione ch’ellu prupone u Rinnovu contr’à u blucchime di u Statu francese di pettu à e rivindicazione purtate da l’eletti tarrituriali vinuti da una parte di u muvimentu naziunale.
Accunsintemu à participà à una manifestazione urganizata nant’à fundamenti dimucratichi cum’è l’amnistia o l’avvicinanza di i prigiuneri, a cuuficialità è à quistione di u putere legislativu.
.Ma pà ciò chì tocca à l’altre rivindicazione, à contu nostru, patriotti anticapitalisti corsi, ùn si pò manifestà à prò di misure liberale cum’è quella di u statutu fiscale o di u statutu di risidente. Ste misure fondanu un prugettu di sucietà oppostu in tuttu à a nostra dimarchja è andatura pulitica postu ch’ellu s’agisce di sustene rivindicazione di classa à favore di a sola burghesia corsa.
S’omu cerca à piglià in cunsidarazione a pruposta di parechji membri di Femu a Corsica, chì si dicenu primurosi d’apre a riunione priparatoria à parsone o gruppi «ch’ùn appartenenu micca à u muvimentu naziunale », ci pare obligatoriu di sapè prima di tuttu nant’à chì puntelli pulitichi pricisi s’arrimbanu sti candidati à a participazione.
Pà cunclude, ci pare impurtantissimu di fà vi sapè di modu chjaru chè no ricusaremu d’ingaggià ci inde a dimarchja chè vo avete messu in ballu s’elli ci participeghjanu parsone o gruppi cunnisciuti cum’è militanti indiati à a strema dritta, ch’elli sianu o nò membri d’urganisazione dette patriottiche.
Spirendu d’avè cuntribuitu à rende u dibattitu da vene più ghjuvativu,
Tanti saluti militanti,
A Manca
A Manca souhaite apporter des précisions relatives à sa participation à l’éventuelle manifestation que le Rinnovu propose contre le blocage manifesté par l’Etat français face aux revendications portées par les élus territoriaux issus d’une des composantes du mouvement national.
Nous réaffirmons notre accord pour participer à une manifestation organisée sur la base des revendications démocratiques que sont la question de l’amnistie ou du rapprochement des prisonniers, la co-officialité et l’octroi du pouvoir législatif. En revanche, en tant que patriotes anticapitalistes corses, nous ne pouvons manifester en faveur de mesures libérales telles que le statut fiscal ou le statut de résident, qui constituent le fondement d’un projet de société auquel nous nous opposons politiquement.
Pour ce qui est de la proposition de représentants de Femu a Corsica, désireux d’ouvrir la réunion préparatoire à cette manifestation à des individus ou des groupes politiquement situés « au-delà des frontières du mouvement national », il nous apparaît indispensable de savoir en amont sur quelles bases politiques précises ces éventuels participants interviennent et décident de nous rejoindre.
Enfin, nous tenons à vous faire savoir très clairement que nous ne pourrions en aucun cas participer à la démarche que vous proposez d’initier si des personnes ou des groupes connus pour leur appartenance à l’extrême droite s’invitaient à la table des débats, qu’ils soient ou non par ailleurs membres d’organisations parties prenantes du mouvement national.
En espérant que ces clarifications pourront rendre le débat plus efficace et constructif,
Salutations militantes,
A Manca
