Si sà chì a Corsica riprisenta u prima dipartamentu di Francia, postu chì par forza o par amore, semu amministrativamente in Francia, à livellu di u numaru di l »aborti.
Allora stu guvernu chì si ne và à caternu parla di misure di precauzione, di pillula in liberu accessu è data à e zitelle di gratìsi. Binissimu, eppò ….
Ghjè l’andatura di a sucetà è tuttu ciò ch’ella dumanda à e donne d’oghje ch’ellu ci vole à cambià : sta brama d’esse parfetta, moglie, mamma, impiegata di prima trinca, sempre più capace, sempre più fattiva.
Ramintèmu ci ch’ella ci tracambia sta sucetà in ugetti di cunsumu staccati di a presa in contu d’elli stessi cum’è parsone umane cù un corpu, una natura, una vulintà autonoma.
Dumandèmu ci chì hè a piazza di a donna in la sucetà corsa chì noi circhemu da custruì pà dumane. Forze ch’ella sarà longa è pisiva a strada.
