A Manca manda sustegnu è sulidarità à i ghjovani membri di a Ghjuventù indipendentista perseguiti da a ghjustizia francese è ghjudicati u 12 di farraghju davant’à u tribunale di Bastia. U prucessu fattu à issi ghjovani sinceri è indiati inde a lotta pà l’avvene di a Corsica hè u prucessu di noi tutti, militanti pulitichi, sindicali o membri d’associi. Semu criminalizati dipoi anni è anni da un Statu sfruttatore, semu culpèvule d’esse primurosi di custruisce un megliu campà cullettivu in tarra nostra.
St’impegnu tremendu ch’ella dimostra a ghjuventù in un cuntestu d’urgenza suciale, riprisenta un ghjustu caminu pà riaffirmà i dritti storichi di u populu corsu. Oghje più cà mai ùn ci hè cà in carrughju ch’ellu si pudarà stabbilisce un raportu di forza à prò di un’ autentica liberazione suciale cum’è naziunale, vale à dì un raportu di forza chì sia à favore di i più numarosi chì formanu u mondu di u travagliu.
A Manca
