A Manca manda u so sustegnu à tutti i militanti indiati inde a lotta contr’à u blucchime indegnu di Gaza è sopra tuttu à quelli chì provanu di francà u mare pà ghjunghje à furnisce li pruviste incu una piccula flotta bluccata oghje chì ghjè oghje da u guvernu grecu.
Cundannemu tutte l’intarvinzione di i guverni sustegni d’Israele da custregne e flotte à firmà si in portu.
Cuntinuemu à pinsà ch’ellu c’hè una suluzione pulitica à stu cunflittu s’omu mette in ballu un Statu palestinianu capace di guarantisce u drittu di campà d’ognunu, musulmanu, ghjudeu, cristianu o ateu.
Chjamamu à participà à l’accolta di u 9 di lugliu in Aiacciu urganizata da Ava Basta è da u Cumitatu Corsica- Palestina.
